Gamle greier live: Spøkelse og ånder 

Historiepodkasten til Nasjonalbiblioteket, «Gamle greier», gjentar suksessen og inviterer til liveshow i vakre Målstova. Trudde ein meir på spøkelse og ånder før i tida?

Nasjonalbiblioteket sin eigen podkastredaksjon, «Gamle greier», inviterer nye og gamle lyttarar til ein kveld inspirert av det overnaturlege. Historiene du skal få høyre, spring ut av den menneskelege hangen til å lage seg forklaringar på det uforklarlege. På scena: historikar Chris Nyborg, journalist Ina Charlotte Fjellhøy og programleiar Lars Hammeren Risberg.  

Historiene som blir fortalde vil bli akkompagnerte av pianist Håvard Gressum Antonsen – for å setje den heilt rette stemninga.

Arrangementet blir strøyma direkte.

Det er gratis å kome, få billett her: https://pameldinger.no/e/zffdsq
Dørene opnar 30 minutt før, og Kafé Å er open – velkomen!