Fosseprisvinnar Hinrich Schmidt-Henkel i samtale med Alf van der Hagen

Den tyske omsetjaren Hinrich Schmidt-Henkel har omsett nærare 120 titlar frå norsk til tysk, frå Tarjei Vesaas og Kjell Askildsen til Jo Nesbø og Ruth Lillegraven.

Schmidt-Henkel blir omtalt som ein nøkkelperson i formidlinga av norsk litteratur til utlandet og er mottakar av den første Fosseprisen for omsetjarar. På scena denne laurdagen møter han journalist og forfattar Alf van der Hagen til ein samtale om språk, kulturutveksling og norsk litteratur i Tyskland.   

Arrangementet er gratis, og du kan hente ut billett her, 3 veker før arrangementet.
     
Dørene til Målstova, der arrangementet finn stad, opnar ein halvtime før start. Det er førstemann til mølla, og blir det fullt i Målstova, får du plass i ein annan sal på biblioteket der arrangementet blir vist på storskjerm. Arrangementet blir også strøymt her.
     
Nasjonalbibliotekbaren ved CREDO held ope før og etter arrangementet. Der får du servert mat og drikke forankra i norsk matkultur. Det er tillate med mat og drikke i arrangementssalane på biblioteket.   
 
Velkomen! 

For meir informasjon om Fosseprisen- og foredraget besøk: Foredrag og pris i Jon Fosse si ånd