Kunstnar Simon Daniel Tegnander Wenzel speler stemningsfull musikk i kafeen på Nasjonalbiblioteket. Til denne kvelden har han òg førebudd ei særskilt duftoppleving inspirert av mellomalderen, og inviterer oss til å nytte alle sansane våre.
Under namnet Piggsopp arbeider Wenzel på tvers av fag, og han er særskilt opptatt av folkemedisin og gamle handverk. Han gjer feltopptak og komponerer lydverk, sankar vekstar til farging av silke, og tilverkar parfyme, røykelse og salver.
Her kan du sjå meir om kunsten til Piggsopp:
https://www.instagram.com/piggsopp og her: https://kunstkritikk.no/for-pesten-tar-oss/
Duftstasjonen er ein del av handverksfestivalen på Nasjonalbiblioteket, der temaet i år er nordisk mellomalder med foredrag, panelsamtalar og verkstader. Alle arrangementa på festivalen er gratis.
Sjå meir om heile programmet her!
Dette arrangementet er også ein del av Oslo kulturnatt.
Velkomen!